هذا لقاء مع الدكتوره ابتهال الخطيب. كلامها عجبني و اعتقد ان الناس فاهمينها غلط و قاعدين يهاجمونها.

و هذا كان تعليقي في احد المدونات:

انا شفت الاجزاء كلها من ١ لـ ١١ و انا انتظرها تقول شي غلط !
بالعكس كانت في قمة الاخلاق و الادب و ما قالت شي و لا غلطت على حد.

تكلمت عن فصل الدين عن السياسة لان السياسة الدينية تنقص من الدين و تشوه سمعته و تفرض نفسها على كل الناس بمخلتف توجهاتهم. و ان الخلاف الشيعي السني راح ينحل بمجرد فصله عن السياسة. مافي اي واحد يخالف هالشي.

تكلمت عن احترام الاراء و السماح بالحوار و كانت ضد منع الحرية الفكرية و كانت مع حرية اعتناق الافكار و التوجهات و الاديان. في حد يقدر يقول هالكلام غلط؟ ديننا يجبر نفسه على الناس؟

و تكلمت و قالت ان الدين جزء من الحياة و اللي هي تطالب فيه هو فصل الدين عن السياسة.

تكلمت عن البحث و القراءة و الجري وراء الحقيقة بل ما نتلقاها من غيرنا. و نحن على اذاننا غشاوة .. نسمع اللي نبيه من دينا و نرفض اللي نحن نبيه .. لكن لما غيرنا يسوي نفس الشي نزعل.

والله كلامها كان حلو و مفيد. بس انتو يا جماعه مب لازم توافقون على كل شي تقوله. اذا قالت شي عجبكم اسمعوه و اذا ما عجبكم روحوا انتو تكلموا و قولوا غيره. مب لازم نكون كلنا مقل ثلاجة البيبسي كلنا نشبه بعض. الاختلاف موجود و قمعه غلط!

هي مثلا مثلي تؤيد “الثقافه” الجنسيه و ليست الاباحة. و انا اؤيدها لان اذا ما كان في ثقافه تدرس راح يتحول المجتمع الى مجتمع اباحي مثل ما قاعد شوي شوي يصير مجتمعنا يصير حيواني.

الله يهديكم .. لا تكونون مثل الذين وضعوا اصابعهم في اذانهم و استغشوا ثيابهم و اصروا و استكبروا استكبارا!
افهموا وجهة نظر الغير ترى مب كل شي تسمعونه من ربعكم صح.

ههههههه بس اما هالمذيعه ! نرفزتني باسلوبها. وايد منحازة و ما تعارف تحاور و تخلي الاسئلة محايدة. و اغلب الوقت ما تدري الدكتورة شتقول!