مع الصيف و السفر تذكرت اغنية نوال "أربع سنين" ما اعرف من كتب الكلمات .. اتمنى اذا احد يعرف انه يفيدنا




في الحقيقه اللي تذكرته قبل الاغنية هي قصيدة عبدالرحمن بن مساعد "العادة جرت" من احلى قصايده
توصف حالنا كل سنه.

للاستماع
للتحميل


العادة جرت

لمّا نسافر كلنا في الصيف .. نمشي مخشبين

كلنا نحكي بفخامة .. نمشي بفخامة .. والابتسامة لما نسّلم

نبتسم كأن فيه مصورين

ورغم اننا نسافر لجل نلقى بعض .. ونعرف بعض

الا اننا لما انتقابل نلتفت متجهمين

ماهو جنون .. ولا عبط

تظهر أغاني من نمط .. أربع سنين انتطالع بالعيون

وفي المواعيد اللي ماادري منهو كان العبقري اللي عطاها

نجلس في نفس الاماكن .. ننتظر نفس الوجيه

تظهر بكامل بهاها

ويبتدي ذاك الحوار السرمدي :

- شف هذاك شلون لابس .. ماهو صاحي

- شف هذاك موجود في كل النواحي

- شف هذيك شلون تضحك .. ياخزياه ياعيباه يالله

- شف هذيك شلون تمشي .. شف هذاك شلون جالس

- شف رفيقك .. ليش عابس ؟؟ خل نروح ونسأله

- لا انتظر هذا ماشي مع هله

وينتهي هذا الحوار السرمدي

فينا نقول : وش هالصخب .. هالديرة مليانه عرب !!

كأننا متفاجئين